Ingen kjem upåverka frå eit møte med Tuva. Noko ligg alltid igjen: ein smittande latter, litt større sjølvtillit, ein kraftig irritasjon, ein trong til å pakke saman for dagen og dra heim til kona - eller avgjerda om å satse på draumen sin, ein gong for alle. Vi møter Tuva gjennom dei profesjonelle i livet hennar: fastlegen, tannlegen, presten, advokaten, snikkaren, trenaren, bankrådgivaren og psykologen. Tuva vil berre bli tatt vare på, men ho er ikkje så lett å forstå seg på: Korleis har ho det eigentleg med seg sjølv, og kva skjer når ho forsvinn gjennom kontordøra, ut i samfunnet igjen? «Team Tuva» er ein roman om korleis vi påverkar kvarandre i stort og smått. Med denne boka viser Marit Eikemo verdien av fellesskap og kva enkeltmenneske kan bety for kvarandre.
Dette er historia om Tuva, slik vi får fortald gjennom nokre av dei som er tilsette i livet hennar: psykologen, advokaten, bankkontakten, tannlegen, snikkaren og den personlege trenaren. Gjennom yrka sine får dei alle sjå kvar sin side av Tuva: det spontane kjøpet av eit gammalt forsamlingshus, smertene og medisinbruken, rotet heime og eit arveoppgjer som går i uventa retning. Men desse menneska har òg sine eigne liv og sine eigne opplevingar, og historiene deira blir blanda inn i historia om Tuva. Omtalen er utarbeidd av BS.
