Fosse-teater med ny vri Etter ein pause frå dramatikken på nær ti år skriv Jon Fosse på nytt for teater. "Sterk vind" er det aller første stykket han skreiv etter den lange dramatikkpausen. Sterk vind er eit scenisk dikt, rollene er Mannen, Kvinna og Den unge mannen. Dei er alle i eit husvære, men kven høyrer eigentleg saman? Mannen kjem heim etter ei reise. Kona har flytt inn i eit nytt husvære, der dei møtest, og det dukkar opp ein ung mann. Også han og kvinna har eit forhold, og han bur visst også i husværet. Det handlar om tid, kjærleik, sjalusi, høgdeskrekk og dragning mot død, nærast som i ein vond draum. Stykket er umiskjenneleg eit Fossestykke, men samstundes inneheld det noko nytt og annleis, blant anna refleksjon og ein nærast vridd røyndom. Sterk vind har urpremiere på Det Norske Teatret hausten 2021. Jon Fosse (f. 1959) blir rekna som ein av vår tids viktigaste forfattarar. Tekstane hans er omsette til over 40 språk, og skodespela er sette opp over tusen gonger i heile verda. Fosse har motteke ei rekkje prisar i inn- og utland.
Det er omtrent ti år sidan Jon Fosse sist skreiv dramatikk. 'Sterk vind', eit scenisk dikt, er det fyrste stykket han har skrive for teater etter pausen. Her møter vi Mannen, Kvinna og Den unge mannen. Dei bur visst saman, men kven er eigentleg i lag med kven? Mannen og Kvinna har eit forhold, men det har òg Kvinna og Den unge mannen som plutseleg dukkar opp. Stykket handlar mellom anna om tid, kjærleik, sjalusi og døden, og ein kan få kjensla av å opphalde seg i ein vond draum. 'Sterk vind' har urpremiere på Det Norske Teatret hausten 2021. Jon Fosse reknast som ein av dei viktigaste forfattarane i vår tid, og tekstane hans er omsett til over 40 språk. Omtalen er utarbeidd av BS.
